Category: ព័ត៌មានជាតិ

ភ្នំពេញ៖ នាថ្ងៃទី២៤ ខែកក្កដា ឆ្នាំ២០២៦ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ បានដឹកនាំកម្លាំងកងរាជអាវុធហត្ថ ចុះអនុវត្តភារកិច្ចការពារ សន្តិសុខ រក្សាសណ្តាប់ធ្នាប់ និងត្រៀមអន្តរាគមន៍សង្គ្រោះបន្ទាន់ ក្នុងព្រឹត្តិការណ៍ប្រកួតបាល់ទាត់ពានរង្វាន់ ASEAN Hyundai Cup 2026 រវាងក្រុមជម្រើសជាតិកម្ពុជា និងក្រុមជម្រើសជាតិសិង្ហបុរី ដែលធ្វើឡើងនៅកីឡដ្ឋានជាតិមរតកតេជោ។ កងកម្លាំងកងរាជអាវុធហត្ថបានដាក់ពង្រាយតាមគោលដៅសំខាន់ៗទាំងក្នុង និងជុំវិញកីឡដ្ឋាន ដើម្បីធានាបាននូវសន្តិសុខ សុវត្ថិភាព សណ្តាប់ធ្នាប់សាធារណៈ និងសម្រួលចរាចរណ៍…

នាព្រឹកថ្ងៃទី២៦ ខែកក្កដា ឆ្នាំ២០២៦ ក្រុមហ៊ុន KNN Group បានរៀបចំពិធីបញ្ចុះបឋមសិលាបើកការដ្ឋានសាងសង់រោងចក្រដំឡើងរថយន្ត JETOUR ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា (CDC) ដែលបានសម្តែងនូវការអបអរសាទរចំពោះការសម្រេចចិត្តវិនិយោគដ៏សំខាន់នេះ ដោយចាត់ទុកថា ជាការវិនិយោគដែលនឹងរួមចំណែកជំរុញកំណើនសេដ្ឋកិច្ចជាតិ ការបង្កើតការងារ និងការអភិវឌ្ឍវិស័យឧស្សាហកម្មរថយន្តនៅកម្ពុជា។ ពិធីនេះក៏មានការចូលរួមពី អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល KNN Group និងលោកជំទាវ ព្រមទាំងគណៈគ្រប់គ្រងជាន់ខ្ពស់ បុគ្គលិក ដៃគូអាជីវកម្ម…

លោកស្រី Agelina Jolie តារាហូលីវូដដ៏ល្បីល្បាញ បានបង្ហោះសារនៅថ្ងៃទី២៤ ខែកក្កដា ឆ្នាំ២០២៦នេះថា៖ “កាលពីមួយឆ្នាំមុន ជម្លោះបានផ្ទុះឡើងនៅតាមបណ្តោយព្រំដែនរបស់ប្រទេសកម្ពុជា ដែលធ្វើឲ្យប៉ះពាល់ដល់សុវត្ថិភាព និងស្ថិរភាពរបស់មនុស្សជាច្រើន។ ឥឡូវនេះ ប្រជាពលរដ្ឋកម្ពុជា ជិត ៣០ ០០០នាក់ នៅមិនទាន់អាចត្រឡប់ទៅផ្ទះវិញបានទេ។ កម្ពុជាតែងតែជាប្រទេសពិសេសសម្រាប់ខ្ញុំ និងគ្រួសាររបស់ខ្ញុំ។ នេះគឺជាប្រទេសកំណើតរបស់កូនប្រុសខ្ញុំ ផ្ទះរបស់យើងនៅទីនេះ ហើយអស់រយៈពេលជាង ២០ឆ្នាំមកហើយ យើងបានធ្វើការជាមួយក្រុមដែលដឹកនាំដោយមូលដ្ឋានទាំងស្រុងលើការអភិរក្ស និងការអភិវឌ្ឍសហគមន៍។ មូលនិធិ Maddox មានទីស្នាក់ការនៅព្រំដែនដូចគ្នា ដែលជម្លោះនាពេលថ្មីៗនេះបានកើតឡើង។ ខ្ញុំមានកិត្តិយសក្នុងការក្លាយជាមិត្តស្និទ្ធស្នាលជាមួយអ្នកជិតខាងរបស់ខ្ញុំ…

ខួបមួយឆ្នាំនៃការឈ្លានពានប្រដាប់អាវុធរបស់ថៃមកលើដែនអធិបតេយ្យភាពកម្ពុជា! ទូរទស្សន៍ Bloomberg TV https://www.bloomberg.com/live/asia បានរៀបចំកម្មវិធីផ្សាយពិសេសអំពីកម្ពុជា ដោយផ្សាយចេញពីទីស្នាក់ការរបស់ក្រុមប្រឹក្សាអភិវឌ្ឍន៍កម្ពុជា (CDC) ដោយមានបទសម្ភាសន៍ ៤សំខាន់ ជាមួយ សម្តេចធិបតីនាយករដ្ឋមន្ត្រី ហ៊ុន ម៉ាណែត, ឯកឧត្តមឧបនាយករដ្ឋមន្ត្រី ស៊ុន ចាន់ថុល, លោកជំទាវ ចម និម្មល និងឯកឧត្តម កែវ រតនៈ។ ប្រធានបទនឹងផ្តោតលើបញ្ហាព្រំដែន ការកាន់កាប់ទឹកដីកម្ពុជាដោយខុសច្បាប់របស់យោធាថៃក្រោយបទឈប់បាញ់ ទំនាក់ទំនងអន្តរជាតិ ថាមពល ការវិនិយោគ ពាណិជ្ជកម្ម និងបញ្ហាសំខាន់ៗមួយចំនួនទៀត។

កំពង់ស្ពឺ៖នាព្រឹកថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញ​ជា​អធិបតីដឹកនាំកិច្ចប្រជុំត្រួតពិនិត្យការអនុវត្តតួនាទី ភារកិច្ច ការងារកងរាជអាវុធហត្ថ ខែកក្កដា ទិសដៅ ខែសីហា ឆ្នាំ២០២៦​​ ស្ថិតនៅ​សាល​ប្រជុំបញ្ជាការដ្ឋានកងរាជ​អាវុធហត្ថ​ខេត្ត​កំពង់ស្ពឺ​។ដោយមានការ​អញ្ជើញ​ចូលរួមពីសំណាក់ លោកមេបញ្ជាការរង លោកនាយសេនាធិការរង​ លោកប្រធាន-អនុប្រធានមន្ទីរ លោកនាយ​នាយរងការិយាល័យ និងជំនួយការ​ លោកមេបញ្ជាការ មេបញ្ជាការរង…

https://youtu.be/oTEkP-1fZo4 ១២៩១ គឺជាលេខទូរស័ព្ទបន្ទាន់ របស់កងរាជអាវុធហត្ថរាជធានីភ្នំពេញ ដែលផ្តួចផ្តើមបំពាក់ឡើងដោយលោក ឧត្តមសេនីយ៍ឯក រ័ត្ន ស៊្រាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ និងបានទទួលការអនុញ្ញាតឲ្យដាក់ដំណើរការ ពីលោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស ក្នុងគោលបំណងបម្រើជូនប្រជាពលរដ្ឋក្នុងភូមិសាស្រ្តរាជធានីភ្នំពេញ ធ្វើការទំនាក់ទំនងផ្តល់ព័ត៌មានអំពីហេតុការណ៍បន្ទាន់ ឬ បទល្មើសគ្រប់ប្រភេទ ជាពិសេសសម្រាប់ប្រជាពលរដ្ឋធ្វើការប្តឹងបន្ទាន់ចំពោះបញ្ហាដែលពួកគាត់ជួបប្រទះក្នុងជីវភាពប្រចាំថ្ងៃ។ ក្នុងរយៈកាលកន្លងមក ពេលបានទទួលសេចក្តីរាយការណ៍ និងបណ្តឹងប្រចាំថ្ងៃ តាមរយៈលេខទូរស័ព្ទបន្ទាន់១២៩១ ហើយកម្លាំងអាវុធហត្ថរាជធានីភ្នំពេញ…

កំពង់ស្ពឺ​៖ ​ដោយ​អនុវត្តតាមគោលការដឹកនាំរបស់ ឯកឧត្តម​នាយ​ឧត្តម​សេនីយ៍​ សៅ​ សុខា​​​ អគ្គ​មេបញ្ជាការ​រង​ កងយោធពល​ខេមរភូមិន្ទ ​មេបញ្ជាការ​ កង​រាជ​អាវុធហត្ថ​លើ​ផ្ទៃ​ប្រទេស​ ព្រមទាំង​មាន​ការណែនាំ​ដោយ​ផ្ទាល់ពីសំណាក់​ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈ អភិបាលខេត្ត​កំពង់ស្ពឺ​​​ ក្រោម​ការដឹកនាំ​បញ្ជា​ដោយផ្ទាល់យ៉ាងម៉ឺងម៉ាត់ និងយកចិត្តទុកដាក់បំផុតពីសំណាក់លោក ឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ។ ជាក់ស្តែង​ថ្មីៗ​នេះ​ កម្លាំងអង្គភាពនគរបាលយុត្តិធម៌ នៃបញ្ជាការដ្ឋានកងរាជអាវុធហត្ថខេត្តកំពង់ស្ពឺ បានធ្វើការបង្ក្រាប​​​​ និងឃាត់ខ្លួនក្មេងទំនើង០២ ក្រុមមានគ្នា…

កែប៖ ការស្តារ និងថែទាំហេដ្ឋារចនាសម្ព័ន្ធនៅតាមមូលដ្ឋាន ត្រូវបានចាត់ទុកជាការងារចាំបាច់ និងជាកាតព្វកិច្ចសំខាន់របស់អាជ្ញាធរមូលដ្ឋាន ក្នុងការធានាឱ្យប្រជាពលរដ្ឋទទួលបានសេវាសាធារណៈប្រកបដោយប្រសិទ្ធភាព និងលើកកម្ពស់គុណភាពជីវភាពរស់នៅ។ នាថ្ងៃទី២០ ខែកក្កដា ឆ្នាំ២០២៦ នៅខេត្តកែប អាជ្ញាធរមូលដ្ឋានបានបន្តអនុវត្តការងារស្តារ ជួសជុល និងថែទាំហេដ្ឋារចនាសម្ព័ន្ធនានា ដើម្បីធានាបាននូវការធ្វើដំណើរប្រកបដោយសុវត្ថិភាព ការប្រើប្រាស់សេវាសាធារណៈបានល្អប្រសើរ និងឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋ។ ការងារនេះ ស្ថិតក្រោមការយកចិត្តទុកដាក់របស់ក្រុមការងាររាជរដ្ឋាភិបាលចុះមូលដ្ឋានខេត្តកែប ដោយផ្តោតលើការកែលម្អហេដ្ឋារចនាសម្ព័ន្ធសាធារណៈឱ្យមានគុណភាព និងនិរន្តរភាព ដើម្បីបម្រើឧត្តមប្រយោជន៍រួម និងជំរុញការអភិវឌ្ឍនៅតាមមូលដ្ឋានឱ្យកាន់តែរីកចម្រើន។

ភ្នំពេញ៖ ឧត្តមសេនីយ៍ទោ ភឺន ផល្លា មេបញ្ជាការរងកងពលតូចលេខ៧០ នៅថ្ងៃទី២២ ខែកក្កដា ឆ្នាំ២០២៦ បានអញ្ជើញចូលរួមទទួលស្វាគមន៍ដំណើរទស្សនកិច្ចរបស់គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម ដែលដឹកនាំដោយលោកវរសេនីយ៍ឯក ង្វៀន ក្វាងហ៊ុយ ប្រធានផ្នែកយុវជន នៃអគ្គស្នងការនយោបាយក្រសួងការពារប្រទេសវៀតណាម ក្រោមអធិបតីភាពលោកឧត្តមសេនីយ៍ឯក ហែម ថា មេបញ្ជាការកងពលតូចលេខ៧០ នៅទីបញ្ជាការកងពលតូចលេខ៧០។ ក្នុងឱកាសនោះ លោកឧត្តមសេនីយ៍ឯក ហែម ថា បានលើកឡើងថា ដំណើរទស្សនកិច្ចរបស់គណៈប្រតិភូនាយទាហានវ័យក្មេងនៃកងទ័ពប្រជាជនវៀតណាម គឺជាសកម្មភាពដ៏មានសារៈសំខាន់ក្នុងការពង្រឹង និងពង្រីកកិច្ចសហប្រតិបត្តិការយោធារវាងកម្ពុជា និងវៀតណាម ឱ្យកាន់តែរឹងមាំ ព្រមទាំងជំរុញការផ្លាស់ប្តូរបទពិសោធន៍…

ភ្នំពេញ៖ កម្លាំងកងរាជអាវុធហត្ថរាជធានីភ្នំពេញ បានចូលរួមអនុវត្តភារកិច្ចការពារសន្តិសុខ សុវត្ថិភាព រក្សាសណ្តាប់ធ្នាប់សាធារណៈ និងអមដំណើររថយន្តដឹកជញ្ជូនគ្រឿងញៀន សារធាតុគីមីផ្សំ សារធាតុគីមី និងសម្ភារៈវេចខ្ចប់ ដែលមានទម្ងន់សរុប ៤,៦១តោន ចេញពីអគារសាលាយុត្តិធម៌រាជធានីភ្នំពេញ ឆ្ពោះទៅកាន់ទីតាំងដុតបំផ្លាញ នៅវេលាម៉ោង ៧៖៣០នាទីព្រឹក ថ្ងៃទី២១ ខែកក្កដា ឆ្នាំ២០២៦ ស្ថិតក្នុងភូមិតាគោក ឃុំឃ្លាំង ស្រុកពញាឮ ខេត្តកណ្តាល។ ប្រតិបត្តិការនេះ ត្រូវបានអនុវត្តដោយមានការរៀបចំយ៉ាងម៉ឺងម៉ាត់ ដើម្បីធានាបាននូវសន្តិសុខ សុវត្ថិភាព និងសណ្តាប់ធ្នាប់សាធារណៈពេញមួយដំណើរការដឹកជញ្ជូន រហូតដល់ទីតាំងដុតបំផ្លាញគ្រឿងញៀន។ ការដុតបំផ្លាញគ្រឿងញៀន និងសារធាតុពាក់ព័ន្ធខាងលើ…